TARGET ni KA REX CAYANONG
MULING nanguna si Senador Robin Padilla sa mga survey para sa posibleng halalan sa Senado sa 2028.
Sa resulta ng OCTA Research at Pulse Asia, nananatili siyang isa sa pinakapinipiling kandidato ng mga botante.
Ipinakikita lamang nito na marami pa ring Pilipino ang nagtitiwala sa kanyang serbisyo at paninindigan.
Hindi maikakaila na nananatiling malapit si Padilla sa karaniwang mamamayan.
Sa kabila ng mga batikos, patuloy niyang isinusulong ang mga adbokasiyang pinaniniwalaan niya.
Marami ang nakakikita sa kanya bilang lider na hindi natatakot magsalita para sa mga isyung mahalaga sa publiko.
Ang mataas na resulta sa survey ay hindi basta nakukuha kung walang patuloy na suporta ng taumbayan.
Patunay rin ito na mahalaga sa mga botante ang pagiging totoo at pagiging abot-kamay ng isang opisyal.
Hindi man sang-ayon ang lahat sa kanyang mga pananaw, malinaw na nananatili siyang may malawak na base ng suporta.
Ang mga survey ay hindi pa halalan, ngunit nagsisilbi itong sukatan ng kasalukuyang pulso ng publiko.
Ang patuloy niyang pamamayagpag ay nagpapakita na nananatili siyang malaking pangalan sa pambansang pulitika.
Habang papalapit ang susunod na halalan, tiyak na masusubok pa ang tibay ng kanyang suporta.
Sa ngayon, malinaw ang mensahe ng mga survey—nananatiling nangunguna si Senador Robin Padilla.
At kung pagbabatayan ang tiwalang ipinakikita ng maraming Pilipino, masasabi ngang no. 1 pa rin ang walang maleta.
153 
